Egg Fried Rice! (vegetarian version bhi hai)

Bohot hi easy recipe hai ek baar bana loge toh baar baar banaoge.
Bhai jab ande ki bhurji ka milan chawal k saath hua toh Egg Fried Rice paida hua. Lets checkout the complete bio-data of  Egg Fried Rice.

Characters:(In the order of appearance)
Pan(deep) or Kadhai
Oil 
lehesun 
hari mirch
Aaande(Eggs)
pyaaz
adrak
tamaatarrrr
laal mirch
kaali mirch
salt
hari dhaniyarice(chawal)

Plot:
1. lehesun, hari mich, adrak ko baarik kaat k rakh lo
2. Pyaaz aur tamatarrr ko bhi kaat lo any size any shape
3. ab aaande lo aur ek katori me phod k phet lo
4.hari dhaniya kaat lo
5. pehele se cooked chawal le kar hath se alag-alag kar lo

Kahaani:
Sabse pehele ek deep pan or kadhai  lo aur usme thoda tel garam karo 3-4 chammach make it very hot. usme fir 3-4 katey hue lehesun aur hari mirch daal do, lehesun halka golden hote hi usme 2 Aaande daal do lehesun ko jalne na dena nahin to kahani puri kadhvi ho jaayegi. aande daalte hi ek flat spoon(spatula) se usko hilaate hue scramble (tukde-tukde) kar lo bhurji ki tarha. Ab ise achhe se fry karte jaao aur aaande ko todte jaao aapke aaande (sorry murgi k hain) jab chhote chhote tukde me ho jaye toh uspe 2 pyaaz daal do aur usko fry karte jao now put some adrak also ab in sabko lagataar fry karte jaao, n remember is purey duration me gas ki flame high pe honi chahiye isi liye toh kahani ka Plot(Tayyari) pehele se banakar rakha hai. Jab pyaaz transparent hone lagey tab usme 2 tammatarrr kate hue daal do aur bhurji ko chalate jao now put some laal mirch aur kaali mirch powder by taste aur fir bhurji ko chalate jao (high flame par) tammatarrr halke se pakne lagey to usme hari dhaniya daal do dhyaan rahe bhurji ko lagatar chalate raho jisse wo jaley na ab apni kahani k climax pe pahunchtey hue is good looking bhurji me namak(salt) daal do,  fir puri bhurji me mix karo achhe se mein hamesha namak haath se daalta hun not chammach nai to pata nai chalta kitna daala kitna nai.namak hamesha thoda thoda karke hi daalo aur bich bich me taste karte jao nai to agar namka zyaada ho gaya to samjho kahani flop. so just mind ur taste baaki sab apne aap ho jaayega! ab aayi baari hamarey second lead role chawal ki toh ab jo pakey hue chawal aapne haath se alag kiye the lagbhag 2 cup usko bhurji me dal do aur achhi tarha mix karo jab tak ki ek ek daana na rang jaye, jab achhe se mix ho jaaye to 2-4 min aur fry karo ab taste karo ki namak thik hai ya nai. just mind your taste, follow your tounge and do what it says   
Ab is puri kahani ko ek dish yaa plate me nikaal lo. Aaapka Egg Fried Rice tayyar hai. Mazey karo!

Vegetarian variation:
aap isme paneer ko haath se masal k daal saktey ho.

Miscellaneous Characters: (by season, taste and availability)
(pyaaz k baad entry karaayen)
Shimla mirch/ Gaajar
boiled chicken
fresh prawns